Plant Ar-Lein yn holi Elwyn Ioan
 
Enw: Elwyn Ioan.

Dyddiad Geni: 9 Mehefin 1947

Ble cawsoch chi eich geni a’ch magu?
Pen-bont Rhydybeddau, Ceredigion.
 
Ble cawsoch chi eich addysg?
Ysgol Gynradd Trefeurig; Ysgol Ramadeg Ardwyn, Aberystwyth; cyfnod yng Ngholeg Celf Caerfyrddin.
 
Beth roeddech chi’n ei hoffi neu’n ei gasáu am yr ysgol?
Hoffi Arlunio ac yn casáu Mathemateg
 
Beth oeddech chi eisiau bod ar ôl tyfu fyny?
Gyrrwr car rasio neu gar rali.
 
Beth oedd eich hoff lyfr yn blentyn?
Llyfr Mawr y Plant.
 
Beth yw eich hoff ddiddordeb?
Cerdded mynyddoedd.
 
Beth sy’n eich gwneud chi’n hapus?
Gorffen tasg anodd.
 
Beth sy’n eich gwylltio chi?
Ysmygwyr hunanol sy’n poeni dim am wenwyno awyr pobl eraill.
 
Pryd dechreusoch chi feddwl am ysgrifennu?
Yn fy ugeiniau.
 
Pa un oedd eich llyfr cyntaf?
Cadwgan y Llygoden o’r Lleuad oedd y llyfr cyntaf i mi ei ysgrifennu a’i arlunio, ym 1980.
 
Ydych chi’n ei chael hi’n hawdd i ysgrifennu?
Nid wyf yn ysgrifennu cymaint â hynny. Darlunio llyfrau awduron eraill fydda i fwyaf.
 
O ble rydych chi’n cael eich syniadau?
Mae syniadau’n dod (weithiau!) wrth gerdded mynyddoedd.
 
Oes ganddoch chi gyngor i rywun sy’n trio ysgrifennu?
Bwrw iddi!
 
Oes rhai o’ch cymeriadau wedi eu seilio arnoch chi?
Un, o bosib, ond nid wyf am ddweud pa un ...
 
Pa un yw eich hoff lyfr?
Un Nos Ola Leuad, Caradog Prichard.
 
Pa un yw eich hoff gymeriad?
Mursen y Gath (Cyfres Rwdlan).
 
Oes unrhyw beth yr hoffech chi ei newid amdanoch eich hunan?
Hoffwn fod yn iau.

Pa raglenni teledu yw eich ffefrynnau?
Rhaglenni dogfennol a hanesyddol; rhaglenni pêl-droed a bocsio.
 
Beth yw eich hoff fwyd?
Bwyd môr (ar wahân i gregyn gleision).
 
Beth sy’n gwneud i chi chwerthin?
Rhaglenni comedi S4C … ond am y rheswm anghywir!