Y CYNLLUN YMESTYN 

Beth yw’r Cynllun Ymestyn? 

Cynllun sy’n helpu llyfrwerthwyr a rhai sy’n trefnu gweithgareddau i gydweithio â’i gilydd er mwyn cynnal stondinau llyfrau mewn digwyddiadau bach a mawr ledled Cymru. Cefnogir y Cynllun Ymestyn gan Gyngor Celfyddydau Cymru.

Mae’r Cynllun o fudd i drefnwyr, llyfrwerthwyr a chyhoeddwyr fel ei gilydd. Gall stondin lyfrau ychwanegu haen arall at ddigwyddiad heb greu fawr ddim gwaith ychwanegol i drefnwyr prysur.  

Mae llyfrwerthwyr yn derbyn grant digolledu ynghyd â chyngor arbenigol ynglþn â theitlau addas pan fyddant yn mynd â stondin i ddigwyddiad neu’n cynnal digwyddiad yn y siop y tu allan i’r oriau masnachu arferol. Gallant hefyd fenthyg silffoedd llyfrau symudol a chael llyfrau ar delerau gwerthu-neu-ddychwel gyda chaniatâd y Ganolfan Ddosbarthu. MAE DROS GANT O SIOPAU EISOES YN AELODAU O’R CYNLLUN YMESTYN. 

Mae’r Cynllun yn helpu cyhoeddwyr drwy hyrwyddo gwerthiant pob categori o lyfrau Cymraeg a Chymreig. Gall fod yn fodd i gyflwyno llyfrau mewn ffordd wahanol a chreu marchnadoedd newydd.

Mae’r Cynllun yn syml. Os yw trefnydd am gynnwys stondin lyfrau mewn digwyddiad, dylai gysylltu’n uniongyrchol â’r siop lyfrau leol (neu siop lyfrau arall o’i ddewis) i drafod y syniad. Bydd y siop lyfrau wedyn yn cysylltu â’r Cyngor Llyfrau i gofrestru’r digwyddiad ac i wneud y trefniadau. Dylai trefnydd sydd heb gysylltiad ag unrhyw siop arbennig gysylltu â Swyddog Gweinyddol y Cynllun Ymestyn yn y lle cyntaf. 

Os yw llyfrwerthwr yn gweld cyfle i gynnal stondin dylai gysylltu â threfnydd y digwyddiad ac yna gofrestru’r digwyddiad gyda’r Cyngor.

Pob math – o wyliau diwylliannol i gynadleddau, o lansiadau i nosweithiau cymdeithasol a ffeiriau ysgol… MAE’R CYNLLUN BELLACH YN CEFNOGI 400 O DDIGWYDDIADAU BOB BLWYDDYN, pob un ohonynt yn unigryw.

Natur y digwyddiad sy’n penderfynu pa fath o deitlau sydd ar werth, a gellir cynnig amrywiaeth eang o lyfrau Cymraeg ac o lyfrau Saesneg o ddiddordeb Cymreig. Mae Gweinyddwr y Cynllun bob amser yn barod i drafod teitlau addas, ac i roi pob cymorth i drefnydd y digwyddiad ac i’r llyfrwerthwr i greu stondin dda.

Os ydych yn drefnydd sydd am gynnwys stondin lyfrau mewn digwyddiad, neu’n llyfrwerthwr sydd am fynd â stondin i ddigwyddiad lleol neu genedlaethol, cysylltwch â: