Cysyllter â'r Adran Grantiau Cyhoeddi i gael y manylion llawn am gynlluniau i gefnogi cyhoeddi yn Gymraeg.
Grantiau Llyfrau Unigol
Grantiau i ystod eang o lyfrau, gan gynnwys llyfrau ffeithiol a ffuglen, a gweithiau llenyddol, i oedolion a phlant.
Grantiau Rhaglen
Cynllun lle rhoddir cyllideb am flwyddyn i gyhoeddwyr ar gyfer rhaglen sy’n cynnwys o leiaf 10 teitl. Rhaid i gyhoeddwr fod wedi cyhoeddi llyfrau o dan y cynllun Grantiau Llyfrau Unigol cyn y gall wneud cais i fod yn Gyhoeddwr Grant Rhaglen.
Taliadau i Awduron
Grantiau sy’n galluogi cyhoeddwyr i gynnig comisiynau a thaliadau cystadleuol i awduron am weithiau ag apêl eang iddynt, i oedolion ac i blant.
Taliadau i Ddarlunwyr a Ffotograffwyr
Grantiau i alluogi cyhoeddwyr i gomisiynu gwaith gwreiddiol ar gyfer llyfrau darluniadol i oedolion ac i blant.
Cefnogi Swyddi
Grantiau tuag at gost cyflogi golygyddion creadigol.
Grantiau Marchnata: Lansiadau a Theithiau Arwyddo
Grantiau ar gyfer noddi lansio llyfrau a theithiau arwyddo gan awduron.
Cylchgronau
Mae’r Cyngor yn cefnogi ystod eang o gylchgronau hamdden, eang eu hapêl, ar gyfer plant ac oedolion, yn ogystal â nifer o gylchgronau sy’n rhoi sylw, yn gyfan gwbl neu’n rhannol, i lenyddiaeth, y celfyddydau neu faterion diwylliannol. (Cefnogid y grŵp olaf gan y Grant Llenyddiaeth, a weinyddid y pryd hwnnw gan Gyngor Celfyddydau Cymru, hyd at ddiwedd Mawrth 2003.) Mae’r Cyngor yn dyfarnu trwyddedau i gylchgronau am gyfnodau o hyd at dair blynedd. Cyfnod y trwyddedau presennol yw Ebrill 2009-Mawrth 2012, a bwriedir gwahodd ceisiadau ar gyfer y cyfnod dilynol yn haf 2011. Golyga hyn fod yr arian i gylchgronau wedi’i addo hyd at Fawrth 2012, ac ni ellir cefnogi ceisiadau newydd yn y cyfamser.
Grantiau i Lyfrau Llafar
Grantiau blynyddol tuag at raglenni o lyfrau llafar, i oedolion ac i blant.
Grantiau i CD-ROMau
Grantiau tuag at gyhoeddi CD-ROMau sy’n cynnwys deunydd hamdden poblogaidd, yn arbennig ar gyfer plant oed cynradd.
Grantiau i Gêmau
Grantiau tuag at gyhoeddi gêmau, i oedolion ac i blant, sydd â’r defnydd o iaith yn ganolog iddynt.