18, Ionawr 2002

PRYSURDEB DIWRNOD Y LLYFR
 
Mae prysurdeb mawr ar droed ar hyn o bryd i sicrhau llwyddiant Diwrnod y Llyfr, fydd yn cael ei gynnal eleni ddydd Iau, 14 Mawrth.
 
Mae pecyn gwybodaeth eisoes wedi ei anfon i holl ysgolion Cymru, gan gynnwys manylion am rai o’r gweithgareddau cyffrous, yn ogystal â syniadau am weithgareddau y gall yr ysgol eu cynnal i ddathlu’r achlysur.
 
Unwaith eto eleni, fe fydd yr ymgyrch e-bostio anferthol, gyda’r Cyngor Llyfrau yn gobeithio dosbarthu dyfyniadau bachog o lyfrau sydd wedi eu cyhoeddi’n ddiweddar i oddeutu 60,000 o bobl.
 
Mae’r BBC hefyd wedi cytuno i ddarlledu pytiau byr o rai enwogion yn sôn am rai o’u hoff lyfrau a bydd sylw i’r holl ddiwrnod yn y papurau newydd ac ar y cyfryngau.
 
Mae cyhoeddwyr a llyfrwerthwyr ledled Cymru hefyd yn awyddus i ymuno yn y dathlu, gan obeithio y bydd y cyfan yn rhoi digon o sylw i’r pleser o ddarllen.