CYMORTH I GRWPIAU DARLLEN
 
Mae bri mawr ar grwpiau darllen yng Nghymru, wrth i grwpiau newydd gael eu sefydlu ledled y wlad, gan gyfarfod mewn llyfrgelloedd, tafarndai a chartrefi.
 
Er mwyn cynorthwyo arweinwyr y grwpiau hyn, fe gomisiynodd y Cyngor Llyfrau Bethan M. Hughes o Wasanaeth Llyfrgell Sir Ddinbych i baratoi pecyn adnoddau arbennig.  Fe fydd y pecyn, o’r enw Rhannu’r Wefr, yn gymorth i unrhyw un sy’n dymuno sefydlu grw?p newydd, yn ogystal â chynnig syniadau newydd i grwpiau sydd eisoes wedi eu sefydlu. 
 
‘Mae grwpiau darllen yn cynyddu yn eu poblogrwydd unwaith eto,’ meddai Phil Davies ar ran y Cyngor Llyfrau, ‘ac rydym yn falch iawn o gael paratoi’r pecyn yma ar gyfer yr arweinwyr.’
 
Daw’r syniadau a’r cynghorion ymarferol o brofiad uniongyrchol o ymwneud â grwpiau darllen, a bydd pawb yn siw?r o fwynhau’r ymarferion gwreiddiol a hwyliog sydd yn y pecyn.
 
‘Mae pawb sy’n aelod o grp darllen yn sôn am yr hwyl a’r pleser y maent yn ei gael o ddarllen ystod eang o lyfrau.  A dyma nod y pecyn – sef cyflwyno’r pleser o ddarllen,’ meddai Bethan M. Hughes.  ‘Ambell waith mae’r aelodau yn darllen llyfr na fyddent byth wedi breuddwydio ei ddewis – ac yn ei fwynhau.  Dyma gyfrinach y grwpiau darllen, mwynhau’r cyfle i arbrofi a thrafod.’
 
Am fwy o fanylion am y pecyn grwpiau darllen cysylltwch â Bethan Hughes ar  01824 708207 neu bethan.hughes@sirddinbych.gov.uk