2
Ebrill, 2001
HYRWYDDO LLYFRAU SAESNEG O GYMRU
Yn dilyn llwyddiant Nofel y Mis – y cynllun i hybu
nofelau Cymraeg – mae’r Cyngor Llyfrau yn awr
yn lansio cynllun arbennig i hyrwyddo llyfrau Saesneg
newydd o Gymru, dan yr enw Wales Book of the Month. Cafodd
y cynllun ei lansio ddechrau Ebrill gyda’r llyfr
Eat Well in Wales 2001 a olygwyd gan y gogyddes adnabyddus
Gilli Davies, ei gyhoeddi gan y Western Mail a’i
ddosbarthu gan Wasg Prifysgol Cymru.
‘Rydym yn ffyddiog y bydd hwn yn gyfle gwych i ni
roi sylw arbennig i lyfrau Saesneg newydd o Gymru,’
meddai Phil Davies, Pennaeth Adran Farchnata’r Cyngor
Llyfrau. ‘Mae cynllun Nofel y Mis ar gyfer llyfrau
Cymraeg wedi bod yn hynod o lwyddiannus ac rydym yn sicr
y bydd y cynllun hwn eto yn cael yr un croeso.’
Eisoes mae nifer o siopau llyfrau wedi ymuno yn y cynllun,
ac wedi derbyn stoc o’r teitl cyntaf yn ogystal â
phosteri a chardiau hyrwyddo. ‘Gyda theitlau newydd
yn cael eu hyrwyddo fel hyn bob mis, mae’n gyfle
i’r cyhoedd gael golwg ar y llyfrau diweddaraf,’
ychwanegodd Phil Davies. |
|
