RHESTR FER GWOBRAU TIR NA N-OG 2002
 
Cyhoeddodd Cyngor Llyfrau Cymru heddiw (9 Mai) y teitlau ar restr fer Gwobrau Tir na n-Og 2002, sy’n cydnabod safon aruchel llyfrau plant a phobl ifanc yng Nghymru yn y ddwy iaith.
 
Cyflwynir y gwobrau’n flynyddol gan y Cyngor Llyfrau i anrhydeddu gwaith awduron ac arlunwyr llyfrau plant mewn tri chategori, sef ffuglen Gymraeg orau’r flwyddyn, y llyfr Cymraeg gorau ac eithrio ffuglen, a llyfr Saesneg gorau’r flwyddyn.
 
Bydd enwau’r enillwyr terfynol yn cael eu cyhoeddi ym mis Medi, gyda’r enillwyr ym mhob categori’n derbyn gwobr o £1,000 yr un.
 
Dyma’r enwau ar restr fer Gwobrau Tir na n-Og eleni:

 
FFUGLEN ORAU’R FLWYDDYN
 
Chwarae’n Troi’n Chwerw, Tudur Williams – Gwasg Carreg Gwalch
Gwirioni, Shoned Wyn Jones – Y Lolfa
Powdwr Rhech!, Eirug Wyn – Y Lolfa

 
LLYFR GORAU’R FLWYDDYN AC EITHRIO FFUGLEN
 
Poeth!  Cerddi Poeth ac Oer, Gol. Non ap Emlyn;  Dylunydd Marian Delyth – Y Lolfa
Cyfathrebu, Sue Balsom, Jo Dahn, Justine Baldwin, Julian Davies – Francis Balsom Associates
Creision Hud, Mihangel Morgan – Y Lolfa

 
LLYFR SAESNEG GORAU’R FLWYDDYN
 
Outrageous Oomph, Julie Rainsbury – Gomer/Pont
Arthur – At the Crossing Places, Kevin Crossley-Holland – Orion Children’s Books
Georgie, Malachy Doyle – Bloomsbury
Who, Me? Jenny Sullivan – Gomer/Pont
 
‘Cafodd y panelwyr hwyl arbennig ar y darllen eleni,’ meddai Menna Lloyd Williams, Pennaeth Adran Llyfrau Plant y Cyngor Llyfrau.  ‘Roeddynt i gyd yn cytuno bod y safon yn arbennig o uchel a bod digon o amrywiaeth yn y cynnyrch.  Y mae hyn yn glod arbennig i’r awduron a’r cyhoeddwyr sydd yn gweithio mor galed i baratoi’r llyfrau’n flynyddol.’
 

Am fwy o wybodaeth cysylltwch ag: Elwyn Jones,
Pennaeth Gweinyddiaeth a Chysylltiadau Cyhoeddus,
Cyngor Llyfrau Cymru, Castell Brychan, Aberystwyth, Ceredigion  SY23 2JB
T: (01970) 6241510 F: (01970) 625385 elwyn.jones@cllc.org.uk