National Year of Rading Wales Y Cyngor English Version Llyfrau Plant Map y Safle Am Lyfrau Cysylltiadau Gwasanaethau Cartref Pa Newydd
 
Croeso
Swyddi
Newyddion
Datganiadau
Tlysau
Mewn Print
 
 

30 Gorffennaf, 2004
 
ARIAN NEWYDD I GYLCHGRONAU I BOBL IFANC   
 
Cyhoeddodd Cyngor Llyfrau Cymru y bydd yn cefnogi dau gylchgrawn newydd i bobl ifanc o fis Awst eleni ymlaen.  Y ddau yw:
 
Tacsi, cylchgrawn amrywiol i bobl ifanc a gyhoeddir gan Diwydiannau 24-7, Caerdydd; y golygydd yw Bethan Elfyn.  Lansiwyd Tacsi yn Eisteddfod Meifod 2003, a chyhoeddwyd pum rhifyn hyd yn hyn.  Bydd y Cyngor yn ei noddi’n rheolaidd o hyn ymlaen.
 
Y Selar, cylchgrawn newydd deufisol am fyd cerddoriaeth Gymraeg.  Bydd yn cael ei gyhoeddi gan gwmni Rasal, Llandwrog, Caernarfon a’r golygydd fydd Owain Morgan Jones.
 
Mae’r Cyngor eisoes yn cefnogi V, atodiad misol yn Golwg a anelir at rai tua 14–16 oed.  Addawyd arian ychwanegol i V ar gyfer marchnata’r cylchgrawn yn ehangach.
 
Mae’r Cyngor wedi llwyddo i gefnogi’r ddau gylchgrawn newydd oherwydd fod Llywodraeth y Cynulliad wedi dyfarnu £25,000 yn ychwanegol yn y Grant Cyhoeddi yn benodol tuag at gefnogi cylchgronau i bobl ifanc.
 
Daeth chwech o geisiadau i law, rhai ar gyfer cylchgronau oedd yn bod eisoes a rhai ar gyfer cylchgronau newydd.  Penderfynodd Panel Grantiau Cyhoeddi Cymraeg y Cyngor gefnogi Tacsi ac Y Selar a rhoi swm ychwanegol i V.
 
Dywedodd Gwerfyl Pierce Jones, Cyfarwyddwr Cyngor Llyfrau Cymru: ‘Mae ceisio darparu ar gyfer pobl ifanc yn rhan bwysig o waith y Cyngor, ac roeddem yn croesawu’r arian ychwanegol a roddwyd at y gwaith gan Lywodraeth y Cynulliad.  Bu cystadleuaeth frwd am yr arian, a derbyniwyd ceisiadau amrywiol o safon uchel, sefyllfa sydd yn adlewyrchu bywiogrwydd y byd cyhoeddi Cymraeg.  Mae Tacsi eisoes wedi profi’r dyfroedd yn llwyddiannus, ac edrychwn ymlaen at weld Y Selar yn ymddangos.  Bydd y Cyngor yn awyddus iawn i weld beth fydd yr ymateb i’r cylchgronau hyn mewn marchnad sy’n newid yn gyson.’
 
Mae Cyngor Llyfrau Cymru eisoes yn cefnogi naw cyhoeddiad gyda chyllideb o’r Grant Cyhoeddi o tua £135,000.  Y teitlau yw Wcw!, Cip, V, Lingo Newydd, Y Wawr, Llafar Gwlad, Fferm a Thyddyn, Cristion a Y Cymro.
 
Am wybodaeth bellach, cysyllter ag: Elwyn Jones,
Pennaeth Gweinyddiaeth a Chysylltiadau Cyhoeddus,
Cyngor Llyfrau Cymru, Castell Brychan, ABERYSTWYTH, Ceredigion  SY23 2JB
T (01970) 624151  F (01970) 625385 E elwyn.jones@cllc.org.uk
  {(}
{)}