Diwrnod Y Llyfr Y Cyngor English Version Llyfrau Plant Map y Safle Am Lyfrau Cysylltiadau Gwasanaethau Cartref Pa Newydd
Croeso
Swyddi
Newyddion
Datganiadau
Tlysau
 
 

33 O DIMAU’N CYSTADLU AM WOBRAU DR DEWI DAVIES

(5 Gorffennaf 2004)

Cynhaliwyd Rownd Genedlaethol y Cystadlaethau Llyfrau Cymraeg, a drefnir gan Gyngor Llyfrau Cymru, yng Nghanolfan y Celfyddydau, Aberystwyth ddiwedd Mehefin.  Daeth 33 o dimau o ysgolion o bob cwr o Gymru i gymryd rhan yn y pencampwriaethau ar gyfer disgyblion Blynyddoedd 3/4 a Blynyddoedd 5/6.
 
Mwynhaodd dros 300 chant o blant, athrawon a rhieni ddiwrnod llawn o weithgareddau’n ymwneud â llyfrau gyda’r disgyblion yn trafod storïau o waith Mair Wynn Hughes a Gwyn Morgan, a ysgrifennwyd yn arbennig ar gyfer y cystadlaethau, yn ogystal â chyflwyno perfformiadau dramatig o lyfrau.  Yn ystod y prynhawn bu T. Llew Jones yn adrodd storïau a’i symbylodd i sgrifennu rhai o’i nofelau ac yn arwyddo copïau o’i lyfrau.  Y buddugwyr yn y cystadlaethau oedd:
 
Blynyddoedd 3 a 4
 
1.Ysgol y Garnedd, Bangor, Gwynedd
2.Ysgol Dyffryn Banw, Llangadfan, Powys
3.Ysgol Llanddoged, Conwy
 
Blynyddoedd 5 a 6
 
1.Ysgol Llanddoged, Conwy
2.Ysgol Edern, Gwynedd
3.Ysgol Dyffryn Banw, Llangadfan, Powys
 
Noddir y gwobrau gan Dr Dewi Davies, meddyg o Gymro sy’n enedigol o ardal Rhos, ger Llandysul.
 
‘Cawsom ddiwrnod hynod o lwyddiannus,’ meddai Menna Lloyd Williams, Pennaeth Adran Llyfrau Plant y Cyngor Llyfrau, ‘a gallwn ond diolch i’r holl athrawon a rhieni am eu cefnogaeth gan longyfarch yn fawr y timau a ddaeth i’r brig eleni.’
 

Ysgol y Garnedd, Bangor, enillwyr y gystadleuaeth ar gyfer blynyddoedd 3 a 4, gyda T Llew Jones
Ysgol Llanddoged, Conwy, enillwyr y gystadleuaeth ar gyfer blynyddoedd 5 a 6, gyda T Llew Jones



Cystadlaethau ar gyfer blynyddoedd 3 a 4
 
1.Ysgol y Garnedd Bangor, yr enillwyr, gyda T. Llew Jones
2.Ysgol Dyffryn Banw, Llangadfan
3.Ysgol Llanddoged, Conwy
 
Cystadlaethau ar gyfer blynyddoedd 5 a 6
1.Ysgol Llanddoged, Conwy
2.Ysgol Edern, Gwynedd
3.Ysgol Dyffryn Banw, Llangadfan
 
Am fwy o wybodaeth cysyllter ag: Elwyn Jones, Swyddog Gweinyddiaeth a Chysylltiadau Cyhoeddus, Cyngor Llyfrau Cymru, Castell Brychan, ABERYSTWYTH, Ceredigion, SY23 2JB ( (01970) 624151  2 (01970) 625385  : elwyn.jones@cllc.org.uk
  {(}
{)}