29
Mehefin, 2001
EDERN YN ENNILL AM Y TRYDYDD TRO
Yn
Rownd Genedlaethol y Cystadlaethau Llyfrau Cymraeg i ysgolion
cynradd, a gynhaliwyd yng Nghanolfan y Celfyddydau, Aberystwyth,
ddydd Iau 21 Mehefin, cafwyd diwrnod llawn o drafod llyfrau
ac o gyflwyniadau graenus. Roedd naw o ysgolion cynradd yn cymryd
rhan, gan ymgiprys am Darian Dr Dewi Davies, a'r beirniaid oedd
Gareth William Jones (trafodaethau) a Jamie Medhurst (cyflwyniadau).
Tra
oedd y timau'n cymryd rhan yn y trafodaethau, cafodd y dwsinau
o gefnogwyr oedd wedi teithio gyda hwy y cyfle i gael eu diddanu
a'u haddysgu gan rai enwau cyfarwydd ym maes llyfrau plant,
sef yr awduron Gwyn Morgan ac Elgan Philip Davies, yr arlunydd
Siôn Morris a Mei Mac, Bardd Plant Cymru 2001.
Ar
ddiwedd diwrnod prysur o gystadlu, a hwnnw o safon hynod uchel,
dyfarnwyd y gwobrau fel a ganlyn:
1af:
Ysgol Gynradd Edern, Pen Llŷn
2il:
Ysgol Gynradd Llanddoged, Llanrwst
3ydd:
Ysgol Gynradd Gymunedol Tregaron
Llongyfarchiadau,
felly, i Ysgol Gynradd Edern
ar ennill y Darian am y drydedd flwyddyn yn olynol, ac i'r holl
ysgolion eraill am eu cyfraniadau graenus.
|
