National Year of Rading Wales Y Cyngor English Version Llyfrau Plant Map y Safle Am Lyfrau Cysylltiadau Gwasanaethau Cartref Pa Newydd
 
Croeso
Swyddi
Newyddion
Datganiadau
Tlysau
Mewn Print
 
 
10 Gorffennaf, 2001
DAU BENODIAD NEWYDD I'R CYNGOR LLYFRAU

Yn ddiweddar, penodwyd dau aelod newydd i staff y Cyngor Llyfrau, un yn yr Adran Farchnata a'r llall yn yr Adran Ddylunio.
Mae Mwynwen Mai Davies o Lanbedr Pont Steffan eisoes wedi dechrau ar ei dyletswyddau fel cynrychiolydd y Cyngor yn y de-orllewin, ac yn ymweld â siopau'r ardal i gymryd archebion am y llyfrau diweddaraf. Cafodd Mwynwen ei haddysgu yn Ysgol Gyfun Bro Myrddin, Caerfyrddin, gan ddilyn cyrsiau pellach yn y Coleg Normal, Bangor, a Phrifysgol Cymru, Llanbedr Pont Steffan, gan raddio yn y Gymraeg yno eleni.

'Dwi'n mwynhau'r gwaith o ymweld â'r siopau i gyflwyno'r llyfrau diweddaraf,' meddai Mwynwen. 'Y dyddiau hyn, wrth gwrs, rwy'n gallu cyrraedd y siopau gyda chyfrifiadur dan fy nghesail yn barod i ddangos y manylion sydd ar gwales.com, sy'n llawer haws na gorfod cario'r holl lyfrau i bob man!'

Mae Siôn Ilar Joyce hefyd wedi dechrau ar ei swydd yn yr Adran Ddylunio. Yn enedigol o'r Groeslon, ger Caernarfon, dilynodd gyrsiau celf yng Ngholeg Technegol Bangor a Choleg Celf Caerfyrddin. Cyn ymuno â'r Cyngor Llyfrau roedd yn brif ddylunydd i gwmni Golwg yn Llanbedr Pont Steffan.

Ychwanegodd Siôn: 'Dwi'n gobeithio'n fawr y bydd fy mhrofiad o weithio gyda'r cylchgrawn Golwg o gymorth i mi yn fy swydd newydd, ac rwy'n edrych ymlaen at weithio ar gynlluniau fydd yn hyrwyddo'r amrywiaeth o lyfrau o Gymru.'

Mwynwen

 Mwynwen Mai Davies yn trafod y llyfrau diweddaraf gyda Wyn Thomas, Siop y Pentan, Caerfyrddin.



Siôn Ilar

Sion Ilar wrthi'n cynllunio taflen i hyrwyddo llyfrau.
  {(}
{)}