27 Tachwedd 2003

ARTISTIAID CYMRU’N CEFNOGI’R TOCYNNAU
 
Fel rhan o’r gyfres o 6 o gardiau newydd fe geir delweddau gan ddwy artist o Gymru.  Mae llun Mary Lloyd Jones, Mynydd Parys, i’w weld ar gerdyn yn y gyfres, yn ogystal â Ffair y Bala, Catrin Williams.  Fe geir hefyd olygfeydd trawiadol iawn o Gymru yn cynnwys Castell Carreg Cennen, Rhosili a Llyn Padarn yn Eryri.
 
Y mae’r tocynnau eu hunain hefyd wedi eu hail-gynllunio i roi delwedd newydd a ffres i’r cynllun.  Comisiynwyd y dylunydd graffeg Meirion Wyn Jones o gwmni FBA, Aberystwyth, i wneud y gwaith.
 
‘Mae’r tocynnau wedi bod yn boblogaidd ar hyd y blynyddoedd,’ ychwanegodd Phil Davies, ‘ond roedd yn bryd i ni gyflwyno delweddau newydd ar eu cyfer a bydd y rhain yn eu tro yn fodd i ni hybu’r cynllun ymhellach.’
 
Y bwriad yw cyhoeddi cyfres bellach o gardiau newydd ddechrau’r flwyddyn fel bod 12 cerdyn ar gael i’r cyhoedd.
 
Am fanylion pellach cysyllter ag:  Elwyn Jones, Pennaeth Gweinyddiaeth a Chysylltiadau Cyhoeddus, Cyngor Llyfrau Cymru, Castell Brychan, Aberystwyth, Ceredigion SY23 2JB
T (01970) 624151  F (01970) 625385  elwyn.jones@cllc.org.uk